Франциянинг "ПСЖ" бош мураббийи Маурисио Почеттино "Манчестер Юнайтед"ни бошқаришга фақат ўзини клуб учун устувор вазифа деб ҳисобласагина рози бўлади, деб хабар беради Daily Mail.
Манбага кўра, инглиз клуби Почеттинони бош мураббийликка асосий номзод эканлигига ишонтириши керак бўлади.
Қайд этилишича, мураббий Англияга қайтишни хоҳлайди. «ПСЖ»да ишлаганда у 14 ой Париждаги меҳмонхонада яшаган, оиласи эса Лондонда қолган.
Аввалроқ, «Манчестер Юнайтед» «Аякс»ни бошқараётган Эрик тен Хагни ҳам таклиф этиш вариантини кўриб чиқаётгани хабар қилинганди.
