"Манчестер Сити" Дортмунднинг "Боруссия" клуби билан ҳужумчи Эрлинг Холандни 100 миллион фунт стерлингга сотиб олиш борасида келишувга эришди. Бу ҳақда Daily Mail хабар бермоқда.

Олдинроқ 21 ёшли норвегиялик футболчига испан грандлари - "Реал" ва "Барселона"дан қизиқиш борлиги ҳақида хабар берилганди. Бироқ, ОАВ хабарларига кўра, "шаҳарликлар" ўз рақобатчиларидан ўзиб кетишди ва келишувнинг барча тафсилотлари бўйича келишиб олишди. Бундан ташқари, "Реал Мадрид" "ПСЖ" ҳужумчиси Килиан Мбаппе билан шартнома имзолашга бир қадам қолди ва бу келишув қаймоқлиларнинг қизиқишини камайтириши керак.

Холанднинг Дортмунд билан шартномасида товон пули 63 миллион фунтни ташкил этади. Аммо унинг агенти Мино Раёланинг комиссияси ҳамда форварднинг имзоланган бонусини ҳисобга олсак, сумма тахминан 100 миллион еврога етади.

Германия чемпионатининг жорий мавсумида Холанд “Боруссия” сафида 14 та ўйин ўтказиб, 16 та гол урди ва 6 та голли узатмани амалга оширди.