"Manchester Siti" Dortmundning "Borussiya" klubi bilan hujumchi Erling Xolandni 100 million funt sterlingga sotib olish borasida kelishuvga erishdi. Bu haqda Daily Mail xabar bermoqda.

Oldinroq 21 yoshli norvegiyalik futbolchiga ispan grandlari - "Real" va "Barselona"dan qiziqish borligi haqida xabar berilgandi. Biroq, OAV xabarlariga ko‘ra, "shaharliklar" o‘z raqobatchilaridan o‘zib ketishdi va kelishuvning barcha tafsilotlari bo‘yicha kelishib olishdi. Bundan tashqari, "Real Madrid" "PSJ" hujumchisi Kilian Mbappe bilan shartnoma imzolashga bir qadam qoldi va bu kelishuv qaymoqlilarning qiziqishini kamaytirishi kerak.

Xolandning Dortmund bilan shartnomasida tovon puli 63 million funtni tashkil etadi. Ammo uning agenti Mino Rayolaning komissiyasi hamda forvardning imzolangan bonusini hisobga olsak, summa taxminan 100 million yevroga yetadi.

Germaniya chempionatining joriy mavsumida Xoland “Borussiya” safida 14 ta o‘yin o‘tkazib, 16 ta gol urdi va 6 ta golli uzatmani amalga oshirdi.