Мадриднинг “Атлетико” клуби бош мураббийи Диего Симеоне Испания чемпионатининг 28-туридан ўрин олган “Кадис”га (2:1) қарши якунланган ўйин ҳақида фикр билдирди.
“Асосийси натижага эришдик. Мавсум якунига қадар кам вақт қолган, шунинг учун ғалаба жуда муҳим, айниқса ҳозир.
Серхио келиши билан "Кадис" анча яхшиланди ва бошқача футбол ўйнай бошлади. Улар бизга жуда кўп қийинчиликлар туғдиришди. Ҳужум ва қарши ҳужумларда ҳимоядан чиқа олмадик.
Иккинчи бўлимда биз яхшироқ ўйнадик ва ғалаба қозона олдик. Аммо ўйинда гол уриш учун имкониятлар деярли бўлмаганди", - дея Симеоненинг сўзларини келтиради Marca.
