Англиянинг "Ливерпуль" клуби Франциянинг "Лилль" ҳужумчиси Жонатан Дэвид учун курашга қўшилди. Бу ҳақда Le10Sport нашри хабар тарқатмоқда.
Аввалроқ канадалик футболчига "Арсенал", "Реал", "Барселона", "Интер" ва "Милан" клублари ҳам қизиқиш билдиришаётганди.
Дэвид "Лилль" клуби 2020 йилнинг ёзида Бельгиянинг "Гент" клубидан 27 миллион евро эвазига кўчиб ўтганди.
У жорий мавсум 36 та учрашувда майдонга тушиб, 17 та гол киритди. Унинг "бозор"даги нархи 50 миллион евро атрофида баҳоланмоқда.