Каталониянинг «Барселона» клуби раҳбарияти агар Эрлинг Холанд билан шартнома имзолай олмаса, ҳар эҳтимолга қарши бошқа ҳужумчилар рўйхатини ҳам тузиб чиқмоқда. Бу ҳақда Sport.es сайти хабар тарқатмоқда.
«Байер» ҳужумчиси Патрик Шик Эрлинг Холандга биринчи муқобил вариан саналмоқда. Шунингдек, "кўк-анорранглилар" шорт-листидан «Бенфика» ҳужумчиси Дарвин Нуньес ва «Лейпциг» футболчиси Андре Силвалар ҳам жой олган.
"Барселона" шу йилнинг ёзида Эрлинг Холанд билан шартнома имзолаши мумкин бўлган клублар рўйхатидан жой олган. Гарчи, норвегиялик ҳужумчи «Манчестер Сити» билан келишувга эришганлиги ҳақидаги миш-мишларга қарамасдан, «Реал» ва«Барселона» ҳали Холанддан умидини узгани йўқ.
