Ральф Рангник Маркус Рэшфорднинг «Манчестер Юнайтед»даги келажаги ҳақида гапирди.
«Мен у билан кеча ва бир кун аввал гаплашдим, лекин «Манчестер Юнайтед»даги келажаги ҳақида ўйлаш истаги ҳақида ҳеч нарса билмайман.
Мен 25 йилдан бери профессионал футболдаман ва ОАВда бўлаётган воқеаларга ортиқча эътибор бермасликка қарор қилдим. Рэшфорд менга ҳеч нарса демади. У ҳали ҳам клубда бахтли эканини ва «Манчестер Юнайтед»да юқори савияда ўйнашни хоҳлаётганини айтди. Ўзига тўғри келмайдиган нарса ҳақида ҳеч нарса демайди.
Ўйин вақти камлик қиляпти деб ўйламайман. Мен бу ерда бўлган 13-14 ўйинда у кўпроқ майдонга тушди. Шунинг учун бу муаммо деб ўйламайман. Кеча гаплашганимизда бу ҳақда ҳеч нарса демади.
Аммо ҳозир трансфер ойнаси ёпиқ. Агар у ва унинг агентлари ёки оиласи қачондир бошқа клубга ўтишни ўйлаб кўрса, у ҳолда буни амалга ошира олади, лекин ҳозир эмас, фақат ёзда.
Ҳозир трансфер ойнаси ёпилган ва буларнинг барчаси «Тоттенхэм» ва «Атлетико»га қарши ўйинларга алоқаси йўқ, - деди «Манчестер Юнайтед» бош мураббийи.