Ralf Rangnik Markus Reshfordning «Manchester Yunayted»dagi kelajagi haqida gapirdi.

«Men u bilan kecha va bir kun avval gaplashdim, lekin «Manchester Yunayted»dagi kelajagi haqida o‘ylash istagi haqida hech narsa bilmayman.

Men 25 yildan beri professional futboldaman va OAVda bo‘layotgan voqealarga ortiqcha e’tibor bermaslikka qaror qildim. Reshford menga hech narsa demadi. U hali ham klubda baxtli ekanini va «Manchester Yunayted»da yuqori saviyada o‘ynashni xohlayotganini aytdi. O‘ziga to‘g‘ri kelmaydigan narsa haqida hech narsa demaydi.

O‘yin vaqti kamlik qilyapti deb o‘ylamayman. Men bu yerda bo‘lgan 13-14 o‘yinda u ko‘proq maydonga tushdi. Shuning uchun bu muammo deb o‘ylamayman. Kecha gaplashganimizda bu haqda hech narsa demadi.

Ammo hozir transfer oynasi yopiq. Agar u va uning agentlari yoki oilasi qachondir boshqa klubga o‘tishni o‘ylab ko‘rsa, u holda buni amalga oshira oladi, lekin hozir emas, faqat yozda.

Hozir transfer oynasi yopilgan va bularning barchasi «Tottenxem» va «Atletiko»ga qarshi o‘yinlarga aloqasi yo‘q, - dedi «Manchester Yunayted» bosh murabbiyi.