«Ювентус»нинг тажрибали марказий ҳимоячиси Жоржио Кьеллини жамоаси 2021/2022 йилги мавсумда Италия чемпионлигини қўлга кирита оладими, деган саволга жавоб берди.
«Ювентус» айни дамда А Серияда пешқадам «Милан»дан 7 очко ортда қолиб, 4-ўринда бормоқда.
«Скудетто? Биз реалистик бўлишимиз керак. Ҳозир чемпионлик ҳақида гапирадиган вақт эмас. Узоқ давом этган ғалабали серияни давом эттира олсак, бу ҳақда ўйлаб кўрамиз. "Ювентус"нинг асосий вазифаси - мавсум якунида Чемпионлар лигасига йўл олиш. Бу клубимиз учун жуда муҳим", - дея Келлинининг сўзларидан иқтибос келтирган журналист Жанлука Ди Марцио.
