Мюнхеннинг "Бавария" клуби бош мураббийи Юлиан Нагельсманн Бундеслига доирасида «Хоффенхайм» (1:1) жамоасига қарши бўлиб ўтган учрашув ҳақида фикр билдирди.
«Бу мухлислар учун қизиқарли ўйин бўлди. Биз дастлабки 20 дақиқада жуда яхши ўйнадик, иккита ажойиб вазиятга эга бўлдик ва биз олдинга чиқишимиз керак эди. Кейин бир контрпрессингда бироз сабрсизлик қилдик ва кейин очиқ ўйин бошланиб кетди.
Икки жамоа ҳам ғалаба қозонишни хоҳлади. Миллиметрлик масофадаги офсайддан учта гол киритдик, лекин ҳакамлар голларимизни инобатга олмади ва тўғри қарор чиқаришди. Биз уч очкони қўлга киритишга жуда яқин эдик, лекин биз бунга жуда ҳақли эмасдик», – деди «Бавария» устози.
