Myunxenning "Bavariya" klubi bosh murabbiyi Yulian Nagelsmann Bundesliga doirasida «Xoffenxaym» (1:1) jamoasiga qarshi bo‘lib o‘tgan uchrashuv haqida fikr bildirdi.
«Bu muxlislar uchun qiziqarli o‘yin bo‘ldi. Biz dastlabki 20 daqiqada juda yaxshi o‘ynadik, ikkita ajoyib vaziyatga ega bo‘ldik va biz oldinga chiqishimiz kerak edi. Keyin bir kontrpressingda biroz sabrsizlik qildik va keyin ochiq o‘yin boshlanib ketdi.
Ikki jamoa ham g‘alaba qozonishni xohladi. Millimetrlik masofadagi ofsayddan uchta gol kiritdik, lekin hakamlar gollarimizni inobatga olmadi va to‘g‘ri qaror chiqarishdi. Biz uch ochkoni qo‘lga kiritishga juda yaqin edik, lekin biz bunga juda haqli emasdik», – dedi «Bavariya» ustozi.
