«Манчестер Юнайтед» ҳужумчиси Криштиану Роналду АПЛнинг 29-тури доирасида «Тоттенхем»га қарши ўйиннинг биринчи бўлимида дубл қайд этди.

Шу тариқа, у профессионал фаолиятидаги голлар сони бўйича ҳужумчи Жозеф Бицаннинг рекордини янгилади.

Айни дамда португалиялик футболчи фаолияти давомида 806 та гол (клубларда 691, терма жамоада 115) киритди.

Халқаро футбол федерацияси (ФИФА) маълумотларига кўра, Бицан ҳисобида 805 та гол бор. Шу билан бирга, Чехия футбол ассоциацияси Бицан расмий ўйинларда 821 та гол урганини даъво қилмоқда.

37 ёшли Роналду клуб даражасида Португалиянинг «Спортинг», Испаниянинг «Реал», Италиянинг «Ювентус» клубларида ҳам тўп сурган.