«Манчестер Юнайтед» бош мураббийи Ральф Рангник РПЛнинг 29-турида «Тоттенхэм» устидан қозонилган ғалаба (3:2) ҳақида фикр билдирди ва хет-трик қайд этган ҳужумчиси Криштиану Роналдунинг ўйинини алоҳида қайд этди.

«Роналду бугун ажойиб ўйин кўрсатди. Ҳимояланиш керак бўлган пайтда, у  ҳимояга ҳам ёрдам берди. Бу Кришитану учун ҳам, жамоа учун ҳам яхши ўйин бўлди.

Роналду хет-трик қайд этишини кутмагандим, лекин гол уришини билардим. Шу боис уни майдонга туширишга қарор қилдим. У машғулотларда жуда яхши ишлади, шунинг учун мен уни биринчи дақиқаларданоқ майдонга туширишаг ва захирада қолдирмасликка қарор қилдим.

Бугун 4-ўрин учун курашда қолишимиз учун ғалаба қозонишимиз керак эди. Бу ғалаба сешанба кунги «Атлетико»га қарши ўйин олдидан бизга катта куч беради.

Роналду бугун «Манчестер Юнайтед» даражаси каби ўйин кўрсатди», - деди Рангник.