Германиянинг “Хоффенхайм” клуби ҳужумчиси Андрей Крамарич Бундеслиганинг 26-тури доирасидаги “Бавария”га қарши ўйин (1:1) ҳақидаги таассуротлари билан ўртоқлашди.
“Бу жуда шиддатли ўйин бўлди. Учрашув 5:5 ҳисобида якунланиши мумкин. Мен бир нечта гол уришим мумкин эди, лекин "Бавария"да гол уриш учун кўпроқ имкониятлар бўлди.
Биз дунёнинг энг яхши жамоаларидан бири билан ўйнадик, шунинг учун дурангдан хурсанд бўлишимиз мумкин. Ўйлайманки, мухлисларга ўйин ёқди", - дея Крамарич сўзларини келтиради клуб расмий сайти.
