“Арсенал” ҳужумчиси Александр Льяказетт фаолиятини Испания чемпионатида давом эттириши мумкин, деб хабар беради Le 10 Sport.
Манбага кўра, 30 ёшли франциялик форвард хизматларига "Барселона" қизиқиш билдирмоқда. Каталонияликлар Дортмунднинг "Боруссия" клуби ҳужумчиси Эрлинг Холанднинг трансфери муваффақиятсизликка учраган тақдирда Льяказеттни ўз сафига қўшиб олиш имкониятини кўриб чиқмоқда.
Маълумот учун, французнинг "Арсенал" билан амалдаги шартномаси 2022 йилнинг июнига қадар мўлжалланган, шунинг учун ёзда футболчи эркин агент сифатида "Барселона"га ўтиши мумкин.
