«Милан» раҳбарияти 21 ёшли франциялик ҳимоячи Пьер Калулу билан шартномани узайтиришни режалаштирмоқда. Бу ҳақда инсайдер Николо Скира ижтимоий тармоқларидаги саҳифасида маълум қилди.
Франциялик футболчи жамоанинг асосий ўйинчиси бўлмаса-да, миланликлар раҳбарияти унинг ўйинларидан мамнун. Улар Калулу билан шартномани 2026 йилгача узайтирмоқчи.
Эслатиб ўтамиз, Пьер Калулу Франциянинг «Лион» клуби тарбияланувчиси ҳисобланади. Футболчи «Милан»га 2020 йилда келиб қўшилганди.
Жорий мавсумда Калул Италия клуби таркибида 19 та учрашувда иштирок этиб, битта гол ва битта голли узатмани амалга оширди.