"Ливерпуль" ҳужумчиси Муҳаммад Салоҳ жамоани тарк этган тақдирда ҳам АПЛда қолишни режалаштирмоқда, деб хабар беради Football Insider.
Футболчи 2023 йилнинг июнида тугайдиган шартномани узайтириш борасида “қизиллар” билан ҳозирча келиша олмаяпти, бироқ музокаралар ҳамон давом этмоқда.
Аввалроқ, 29 ёшли мисрлик ҳужумчи мерсисайдликлар таклиф қилган шартлар бўйича шартномани узайтиришдан бош тортгани ҳақида хабар берилганди.
Қайд этиш лозим, Салоҳ жорий мавсумда барча мусобақаларда 35 та ўйинда майдонга тушди. Унинг ҳисобида 28 та гол ва 10 та голли узатма бор. Transfermarkt портали футболчининг нархини 100 миллион еврога баҳоламоқда.
