Лондоннинг "Арсенал" клуби бразилиялик "Лидс" ярим ҳимоячиси Рафиня Диасга навбатдаги даъвогарга айланди, деб ёзади журналист Николо Шкира ўз твиттерида.
Манбанинг хабарига кўра, "канонирлар" ёзги трансфер ойнасида футболчи сотиб олиш вариантини кўриб чиқмоқда. Трансфер суммаси тахминан 50 миллион еврони ташкил қилиши мумкин. Аввалроқ ярим ҳимоячига "Реал", "Ливерпуль", "Бавария", "Манчестер Юнайтед" ва "ПСЖ" клублари қизиқиш билдираётгани ҳақида хабар берилганди.
25 ёшли Рафиня жорий мавсумда "Лидс' сафида барча турнирларда 27 та ўйинда майдонга тушиб, 9 та гол урди ва 2 та голли узатмани амалга оширди. Унинг клуб билан шартномаси 2024 йилнинг ёзига қадар мўлжалланган.
