Журналист, спорт шарҳловчиси Даврон Файзиев ўз Telegram саҳифасида "Барселона" ҳақида фикр билдирди.

"Хавининг футболчилик пайтида "Осасуна", "Хетафе"ларга тўрттадан урилиши нормал ҳолат эди. Инқироз даврида эса камёб ходиса бўлди. Ҳозирги, инқироздан кейинги вақтда Хави энди мураббий сифатида йирик ғалабаларни кундалик ишга айлантирмоқда. "Барселона" 28-турда "Осасуна"ни 4:0 ҳисобида мағлубиятга учратди. 2 та Ферран, Обамеянг, Пуч. Пике эса 600-ўйинини ўтказди. Рақамлар магияси Каталонияга қайтди.

"Барса" учинчи ўринга мустаҳкам жойлашди. "Севилья" аллақачон ҳавотирда. Испан грандлари жуфтлиги яна ёнма-ён жойлашиб олишига оз қолди. Менимча. Фақат битта синовли муддат қолмоқда. Кейинги тур "класико" (20 март, якшанба). Ундан кейин "Севилья" билан иккинчи ўрин жанги. "Реал" - "Барса" айнан икки жамоа формада пайт рўй бермоқда. Хави уй вазифасини яхши бажарди. Навбат оралиқ имтихонига", - деб ёзди Файзиев.