Уругвайлик ярим ҳимоячи Лукас Торрейра фаолиятини «Фиорентина»да давом эттирмоқчи. Футболчи айни дамда Италия клуби сафида ижара асосида тўп тепмоқда. Аммо унинг ҳуқуқлари Лондоннинг «Арсенал» клубига тегишли.

«Мен майдонда ҳам, ундан ташқарида ҳам бахтлиман», деди у Sky Italia нашрига. - Келажагим ўзимга боғлиқ эмас, чунки шартномам ҳали ҳам «Арсенал»га тегишли», — дея қўшимча қилади футболчи.

Торрейра жорий мавсум А серияда 24 та ўйинда майдонга тушиб, 3 та гол урди ва 1 та голли узатмани амалга оширди.

Хабар қилинишича, «Арсенал» агар футболчи учун 15 миллион евро тўласа, уни «Фиорентина»га сотишга рози бўлган.