Премьер-лига 5 та алмаштириш қоидасини қайтариш масаласини кўриб чиқишга тайёрланмоқда.

Daily Mail хабарига кўра, лига клублари мавсум якунланганидан кейин июнь ойида ушбу вазиятда қандай йўл тутиш учун овоз беришади.

Қайд этилишича, турнир жадвалининг иккинчи ярмидаги клублар 5 та алмаштиришга қарши. Уларнинг айтишича, 5 та алмаштириш кучли клубларга устунлик беради.

Эслатиб ўтамиз, 2020 йилда, коронавирус пандемиясидан сўнг мавсум қайта тикланган Премьер-лигада 5 та алмаштириш жорий этилганди. Жорий мавсум бошида эса бу қарор бекор қилинди.