Барселона" клуби ҳужумчсиси Алексис Санчес эртага бўлиб ўтадиган мавсумнинг энг асосий учрашувини ўтказиб юбориши мумкин. Бу ҳақда каталония клуби расмий сайти хабар берган.
Чоршанба оқшомида ЕЧЛ ярим финалида "Челси" га қарши кечган баҳсда чилилик футболчи, лондонликлар ҳимоячиси Жон Терри билан тўқнашувда белидан жароҳат олганди.
Жамоа Барселонага қайтиб келгач, футболчи белидаги оғриқдан шикоят қилган. Уни текширган клуб врачлари, унинг эски жароҳати яна қайталагини ва унинг асорати футболчининг шанба кунги учрашувни ўтказиб юборишига сабаб бўлиши мумкинлигини таъкидлашган.
Бугун кечқурун футболчи яна бир бора тиббий кўрикдан ўтади ва айнан шундан сўнг унинг эртанги муҳим баҳсда майдонга туша олиши ёки тушмаслиги аниқ бўлади.