Европанинг топ-клублари “Лидс” вингери Рафиньяга қизиқиш билдиришмоқда.
Фабрицио Романонинг сўзларига кўра, бразилиялик футболчи учун курашга "Барселона" ва "Ливерпуль" клублари ҳам қўшилган.
Каталонияликлар аллақачон "Барса"да бразилиялик ва португалиялик футболчиларни излаш билан шуғулланадиган Деко билан эҳтимолий трансферни муҳокама қилишган.
Ҳозирча ҳеч бир клуб “Лидс” билан музокаралар олиб бормаяпти, чунки 25 ёшли футболчининг сотилиши жамоанинг Премьер-лига мавсуми якунидаги ўрнига боғлиқ бўлади.
Жорий мавсумда Рафинья чемпионатнинг 27 та ўйинида 9 та гол урди ва 3 та голли узатмани амалга оширди.
