"Лацио" дарвозабони Томас Стракоша ёзда жамоани тарк этиши мумкин.
Calciomercato хабарига кўра, Англия Премьер-лигаси ва Бундеслиганинг бир нечта клублари футболчини сотиб олиш учун "Лацио"га расмий таклиф билан чиқишган.
26 ёшли дарвозабоннинг Италия клуби билан шартномаси 2022 йилнинг 30 июнига қадар амал қилади.
2021/22 йилги мавсумда Стракоша “Лацио” сафида барча мусобақаларда 21 та ўйин ўтказган ва шулардан 9 тасида ўз дарвозаси дахлсизлигини сақлаб қолган.