Маҳачқалъанинг "Анжи" клубида тўп сураётган камерунлик ҳужумчи Сауэель Это’О ёзда премьер-лигани тарк этиши мумкинлиги ҳақидаги хабарлар кун сайин кўпаймоқда.
Бундан икки ҳафта олдин камерунлик ҳужумчи Парижга ташриф буюргани ва "ПСЖ" ҳамда "Марсель" жамоалари ўртасидаги учрашувни бевосита стадиондан туриб томоша қилган эди. Кейинчалик аниқланишича, футболчи Парижга бекорга ташриф буюрмаган экан. 8-апрель куни Это’о "ПСЖ" клуби ижрочи директори Жан-Клод Блан билан учрашган ва у билан ўзининг келажаги борасида суҳбат қурган.
Француз матбуотининг тарқатган хабарларига қараганда, айни дамда камерунлик ҳужумчи Россиядаги фаолиятидан норози бўлиб турибди ва ёзда жамоасини алмаштириши эъҳтимоли йўқ эмас.
Агарда Париж клуби футболчига етарлича шароит яратиб бергудек бўлса, "ПСЖ" сафига кўчиб ўтишга розилик ериши мумкин.
Бунинг учун парижликлар "Анжи"га шартномада кўрсатилганидек компенсация тўлашлари керак бўлади.
Россия премьер-лигасида яна 4 та тур қолди. Шундан кейин жамоалар танаффусга чиқишади. Камерунлик футболчи эса, тасдиқланмаган маълумотларга кўра Россияни тарк этишни мўлжаллаб турибди.
