Туриннинг "Ювентус" клуби ёзги трансфер ойнасида Адриен Рабьо билан хайрлашмоқчи.
26 ёшли франциялик футболчи билан келаси ёзгача шартнома имзоланган, аммо клуб энди ярим ҳимоячига таянмоқчи эмас.
Шундай қилиб, Calciomercato хабарига кўра, Рабьоо шу ёзда трансфер бозорида бўлади, чунки "Ювентус" раҳбарияти унинг маошини ҳаддан ташқари юқори деб ҳисобламоқда. Бундан ташқари, Турин клуби ярим ҳимоячининг эркин агент сифатида кетишига рухсат бермоқчи эмас.
Адриен Рабьо 2019 йилдан бери "Ювентус"га тегишли. Жорий мавсумда футболчи барча мусобақаларда 34 марта майдонга тушиб, 2 та голли узатмани амалга оширган
