"ПСЖ" раҳбарияти фаол равишда келаси мавсумдан бошлаб жамоа билан ишлайдиган янги бош мураббий изламоқда, деб хабар беради L'Équipe.

Бу лавозимга асосий номзод "Реал"нинг собиқ бош мураббийи Зинедин Зидан бўлиб, у билан клуб анчадан бери музокаралар олиб бормоқда.

Агар келишув амалга ошмаса, парижликлар муқобил вариантлар устида ишламоқда. Мумкин номзодлар рўйхатига Микел Артета ("Арсенал"), Симоне Индзаги ("Интер") ва Эрик тен Хаг ("Аякс") киритилди.

Аввалроқ, "Атлетико" бош мураббийи Диего Симонега "ПСЖ" ҳам қизиқиш билдираётгани ҳақида хабарлар тарқалган эди.