Испаниялик ҳимоячи Серхио Рамос ёзда "ПСЖ"ни тарк этмоқчи, деб хабар беради AS.
Клуб 35 ёшли испаниялик билан шартномани бекор қилиш вариантини кўриб чиқмоқда. Парижликлар раҳбарияти Рамоснинг саломатлиги ва жисмоний ҳолатидан кўнгли тўлмаган.
Эслатиб ўтамиз, ҳимоячи ўтган ёзда "Реал"дан "Пари Сен-Жермен"га текинга кўчиб ўтган эди. Ўшандан бери у соғлиғи билан боғлиқ муаммолар туфайли жамоа сафида бор-йўғи 5та ўйин ўтказиб, 1та гол урган.
Аввалроқ "Лос-Анжелес Гэлакси" Рамоснинг атрофидагилар билан алоқага чиққани, унинг "ПСЖ" билан шартномаси 2023 йилнинг ёзига қадар мўлжаллангани ҳақида хабар берилганди.
