"Рома" ҳужумчиси, сардори ва афсонаси Франческо Тотти ФИФА расмий сайтига интервью бераётиб, фарзандларига бошқа жамоага ўтишини ҳеч қачон тушунта олмаслигини айтиб ўтган.
"Карьерам мобайнида "Рома"ни тарк этиб, бошқа клубга ўтиш учун бир неча имкониятлар бўлган, лекин доим айнан мана шу жамоа сафида тўп суришни хоҳлашимни такрорлаб келганман. Мен ўзимни бошқа клуб либосида тасаввур қила олмайман. Бундан ташқари, бошқа клубга ўтганимни болаларимга қандай қилиб тушунтиришни билмасдим. Клубга бўлган муҳаббатим ҳар қандай таклифлардан ҳам юксакроқ бўлиб чиқди ва бундан жуда мамнунман. Бу мен учун "Олтин тўп"дан ҳам юксакроқ нарса", — деган Тотти.