Туриннинг «Ювентус» клуби раҳбарияти ёзги трансфер бозорида амалга ошириш керак бўлган ишларни бошлаб юборди.
Пауло Дибала билан янги шартнома ҳали имзоланмади, шунинг учун туринликлар аргентиналик футболчининг ўрнига бошқа ўйинчи излашга қарор қилишди.
Италиялик журналист Фабрицио Романонинг тарқатган маълумотига қараганда, «Кекса синьора» «Сассуоло» жамоасининг ҳужумкор футболчиси Хамед Траорега эътибор қаратишмоқда.
Transfermarkt портали футболчининг трансферини 18 миллион еврога баҳоламоқда.
Траоре жорий мавсум А Серияда 24 та ўйин ўтказиб, бешта гол киритди ва тўртта голга ассистентлик қилди.
