"Аякс" бош мураббийи Эрик тен Хаг ЕЧЛнинг 1/8 финал жавоб учрашуви доирасида "Бенфика" жамоасига қарши бўлиб ўтадиган ўин ҳақидаги фикрларини билдирди.
"Ҳаммасига мақсадларимиз нуқтаи назаридан қарайдиган бўлсак, Чемпионлар лигасининг жорий мавсуми биз учун омадли келди, дейишимиз мумкин. Лекин спортчи сифатида, албатта, биз максимал натижани хоҳлаймиз. Бизнинг олдимизда жиддий вазифа турибди. Биз имкон қадар узоққа боришни истаймиз ва бунинг учун «Бенфика» устидан қозонилган ғалаба билан бошлашимиз керак" - деди тен Хаг.
Ушбу беллашув бугун тунда - Тошкент вақти билан соат 01:00да бошланади. Дастлабки учрашувда 2:2 ҳисоби қайд этилганди.
