Мадриднинг «Реал» клуби ҳужумчиси Карим Бензема жароҳат олди.
34 ёшли ҳужумчи Ла Лиганинг 28-тур доирасида «Мальорка» (3:0) жамоасига қарши ўйинда дубль қайд этди. Бироқ, иккинчи голини киритаётган пайтда чап оёғидан жароҳат олди.
Орадан маълум вақт ўтгач у ўйинни давом эттиришга ҳаракат қилди, аммо 85-дақиқада майдонга ўтириб олди ва ўйинни давом эттира олмаслигини билдирди.
"Реал" устози Карло Анчелотти захирадан майдонга тушириш учун барча имкониятлардан фойдаланиб бўлгани сабабли, "қаймоқранглилар" ўйинни 10 киши бўлиб якунлашга мажбур бўлди.
