Madridning «Real» klubi hujumchisi Karim Benzema jarohat oldi.
34 yoshli hujumchi La Liganing 28-tur doirasida «Malyorka» (3:0) jamoasiga qarshi o‘yinda dubl qayd etdi. Biroq, ikkinchi golini kiritayotgan paytda chap oyog‘idan jarohat oldi.
Oradan ma’lum vaqt o‘tgach u o‘yinni davom ettirishga harakat qildi, ammo 85-daqiqada maydonga o‘tirib oldi va o‘yinni davom ettira olmasligini bildirdi.
"Real" ustozi Karlo Anchelotti zaxiradan maydonga tushirish uchun barcha imkoniyatlardan foydalanib bo‘lgani sababli, "qaymoqranglilar" o‘yinni 10 kishi bo‘lib yakunlashga majbur bo‘ldi.
