"Челси" бош мураббийи вазифасини бажарувчи Роберто Ди Маттео АПЛ 35-тури доирасида сафарда "Арсенал"га қарши кечадиган учрашув олдидан ўз фикрларини баён этди.
"Тоттенҳэм"га қарши Англия Кубоги ярим финалида қозонилган ғалаба — "Челси"нинг катта муваффақияти. Бироқ тўлақонли қувонишга вақт ҳам бўлгани йўқ. "Барселона"га қарши ўйиндан кейин ҳам шундай бўлди. Ўйиндан сўнг дарҳол "Арсенал" ҳақида бош қортира бошладик.
Афсуски, Англия чемпионатида дастлабки турларданоқ қувувчи вазифасини бажармоқдамиз. Орадаги фарқни қисқартириш вазифаси кўндаланг бўлавергач, ҳар бир ўйин биз учун муҳим аҳамият касб эта бошлади. "Арсенал"га қарши ўйин ҳам истисно эмас.
Агар ғалаба қозонсанг, бундай миқдордаги ўйинларни психологик томондан осон енгиб ўтасан. Лекин, ҳаттоки ғалабадан кейинги шодлик ҳам олти кун ичида уч гранд жамоага қарши майдонга чиқишдек фактга соя сола олмайди.
Мен ихтиёримда бўлган бутун таркибдан фой
Даланишга ҳаракат қилдим, ротацияни кейинги ўйинларда ҳам амалга ошираман. Фақат шу йўл билан уч фронтда ҳам рақобатбардош таркибга эга бўишимиз мумкин ", – дея Ди Маттео сўзларини келтирмоқда Sky Sport.
"Арсенал" – "Челси" учрашуви 21 апрель, шанба куни Тошкент вақти билан соат 16:45 да бошланади.
