Артуро Видал Европадаги фаолияти якунланаётганини маълум қилди.

“Менга "Фламенго" жуда ёқади, мен уларни жуда яхши кўраман. Клуб футболкасини менга президент совға қилган. Бу менинг юрагимни тўлдирди. У ерда ўйнашни орзу қиламан, буни инкор эта олмайман. Қачонки имконият туғилса, мен у ерга бораман. Умид қиламанки, бу тез орада содир бўлади, агар мураббий ёки раҳбарият мен билан шартнома имзолашни истаса, улар мен билан боғланишади ва мен у ерга кўчиб ўтиш учун қўлимдан келганини қиламан.

Европа фаолиятим тугатилиши мумкин. Бу тўғри вақтми ёки йўқлигини билмайман, лекин агар шундай бўлса, менинг мақсадим жуда аниқ: «Фламенго» билан ҳамма нарсада ғалаба қозониш, Либертадорес кубоги учун курашиш, бу менинг орзум, чунки у Европа Чемпионлар лигасига ўхшайди. Агар мен кетсам, бу фақат курашни давом эттириш ва муҳим ўйинчи бўлиш учун кетаман”, - деди «Интер» ярим ҳимоячиси.