"Ювентус" бош мураббийи Массимилиано Аллегри Чемпионлар лигаси 1/8 финалининг "Вильярреал"га қарши жавоб учрашувидан олдинги тахминлари билан ўртоқлашди.
"Сиз ўз олдингизга турнирда ғалаба қозонишни мақсад қилиб қўйишингиз керак. Эртага биз учун уй финалидек бўлади, демак, атмосфера ижобий бўлиши керак. Бу қийин ўйин бўлади ва биз ҳимояда ажойиб ўйнашимиз кераклиги аниқ. Алваро Мората ҳозир ажойиб формада. Биз бир жамоа бўлиб йиғилдик, аммо ҳозирча ҳеч нарсага эришмадик", - дея Аллегри сўзларини келтиради УЕФА расмий сайти.