Каталониянинг "Барселона" клуби ярим ҳимоячиси Серджи Бускетс 20 март куни «Реал» жамоасига қарши бўлиб ўтадиган навбатдаги "Эл-класико" ҳақида фикр билдирди.

«Суперкубокдаги «Реал» жамоасига қарши ўйин биз учун бироз эрта бўлди, чунки, ўшанда футболчилар эндигина жароҳатидан фориғ бўлиб, майдонга қайтишганди, Ферран Торрес жамоага энди келганди, Обамеянг эса ҳали келмаганди.

Ўйлашимча, ҳозир «Барселона» кучли. Ҳозир «Реал» кучайдими ёки йўқми, билмайман, лекин аниқ билганим шуки, «ПСЖ» устидан ЕЧЛда қозонган ғалабасидан кейин албатта ўсишди. Бизни ажойиб учрашув кутиб турибди.

«Реал» ўз мухлислари қаршисида амбицияларга тўла бўлишини кутаман. Ҳар икки жамоа ҳам ушбу беллашувда ғолиб бўлишни истайди», – деди Бускетс.