Жума куни Мюнхенда чемпионлар Лигаси кубогининг шаҳарга топширилиш маросими тантанали равишда ўтказилди.
УЕФА президенти Мишель Платинига фахрли унвонни турнирнинг амалдаги ғолиби "Барселона" клуби президенти Сандро Россель ва клуб директори Андони Субисаррета топширишди. Шундан сўнг кубок Мюнхен шаҳри мэри Кристиан Удега топширилди.
16 майдан 19 майгача Мюнхендаги Олимпиапаркда чемпионлар фестивали очилади ва у ерда мухлисларни турли аттракционлар кутиб қолади. Тадбир элчиси сифатида 2000-01 йилги мавсумда "Бавария" таркибида чемпионлар Лигаси кубогини кўтарган Вилли Саньоль танланган.
Эслатиб ўтамиз, Европа чемпионлар Лигаси финали 19 май куни Мюнхендаги "Альянц-Арена"да бўлиб ўтади.
