«Интер» раҳбарияти «Аякс» ҳужумчиси Себастьян Аллернинг агентлари билан учрашув ўтказди, деб хабар беради La Gazzetta dello Sport.
Маълум қилинишича, футболчининг вакиллари "Интер" раҳбариятига «Аякс» ўз футболчиси учун 35 миллион евро талаб қилаётгани ҳақида маълум қилишган. «Интер» бу миқдор жуда катта кўринади. Шунга қарамай, томонлар музокараларни давом эттиришади, чунки футболчининг ўзи Милан клубига ўтмоқчи.
Аллернинг «Аякс» билан шартномаси 2025 йилнинг июнигача мўлжалланган. Transfermarkt портали футболчини 30 миллион еврога баҳоламоқда.
2021/22 йилги мавсумда 27 ёшли ҳужумчи 34 та ўйинда майдонга тушиб, 32 та гол урди ва 9 та голли узатмани амалга оширди.