«Ливерпуль» бош мураббийи Юрген Клопп мисрлик ҳужумчи Муҳаммад Салоҳнинг шартномаси борасидаги қийин вазият ҳақида гапирди.
"Салоҳнинг шартномасида ҳеч қандай муаммо йўқ, чунки Муҳаммад ҳозир бор эътиборини жамоада ўйнашга қаратган. Қолган барча масалаларни чемпионат якунланганидан кейин муҳокама қилишимиз мумкин" - деди Клопп.
Эслатиб ўтамиз, «Ливерпуль» айни дамда АПЛда иккинчи ўринни эгаллаб турибди. Муҳаммад Салоҳ жорий мавсум чемпионатнинг 26 ўйинида 20 та гол ва 20 та голли узатмани амалга оширди.