«Атлетико» клуби дарвозабон Ян Облак ёзда жамоани тарк этса, ўрнига «Бенфика» посбони Одиссеас Влахимосни жамоага олиб келмоқчи. Бу ҳақда GOAL портали хабар тарқатмоқда.
Манбага кўра, Облак сўнгги ҳафталарда «Ньюкасл» билан музокаралар олиб бормоқда, у собиқ жамоадоши Киран Триппьернинг ортидан эргашиши мумкин. 29 ёшли дарвозабоннинг ўзи ҳам Премьер-лигага ўтишга қизиқмоқда.
27 ёшли Влаходимос 2018 йилдан бери «Бенфика»да тўп суради, шартномаси 2024 йилнинг 30 июнига қадар амал қилади.
Жорий мавсумда грециялик дарвозабон жамоа сафида барча мусобақаларда 39 та ўйин ўтказиб, 39 та гол ўтказиб юборган. Шунингдек, Влахимос 15 та ўйинда ўз дарвозаси даҳлсизлигини сақлаб қолган.
