"Вильярреал" ҳимоячиси Рауль Альбиоль жамоасининг Чемпионлар лигаси чорак финалига чиққани ҳақида фикр билдирди.
"Клуб ва мухлислар учун чорак финалга чиқиш қанчалик муҳимлигини таърифлашга сўз топиш қийин. Келинг, лаҳзадан завқ олишга ҳаракат қилайлик, аммо ҳозирча қуръа натижаларини кутмоқдамиз", - дея Альбиолнинг сўзларидан иқтибос келтиради УЕФА матбуот хизмати.
Эслатиб ўтамиз, кеча, 16 март куни Чемпионлар лигаси 1/8 финал жавоб ўйинида Унаи Эмери шогирдлари Туриннинг "Ювентус" клубини меҳмонда ишончли тарзда мағлуб этишди (3:0) ва турнирнинг кейинги босқичига йўл олишди.
Сўнгги марта "сариқ сув ости кемаси" бу босқичга 08/09 йилги мавсумда етиб келган. Эслатиб ўтамиз, "Вильярреал" Европа лигасининг амалдаги ғолиби ҳисобланади.
Эртага, 18 март куни 1/4 финал босқичига қуръа ташлаш маросими бўлиб ўтади.
