"Вильярреал" ҳимоячиси Пау Торрес Чемпионлар лигаси 1/8 финали жавоб учрашувида "Ювентус" устидан қозонилган ғалаба (3:0) ҳақида фикр билдирди.
“Бу менинг фаолиятимдаги энг муҳим гол. Биз Чемпионлар лигасининг чорак финалига чиқдик ва мен бундан хурсандман, чунки биз бунга лойиқ эдик”, - дея Торреснинг гапларини келтиради АS.
Торрес жамоасининг иккинчи голни “Ювентус”га қарши ўйинда киритди. “Вильярреал” туринликларни умумий ҳисобда 4:1 ҳисобида мағлуб этди
Эслатиб ўтамиз, эртага, 18-март куни Чемпионлар лигасининг чорак финал босқичига қуръа ташлаш маросими бўлиб ўтади.
