"Барселона"нинг уругвайлик ҳимоячиси Роналд Араухонинг келажаги номаълумлигича қолмоқда, чунки унинг шартномаси 2023 йилнинг ёзида якунига етади.
Каталониялик инсайдер Жерар Ромеронинг сўзларига кўра, марказий ҳимоячига “Манчестер Юнайтед” ва Лондоннинг “Арсенал” клублари қизиқиш билдирмоқда.
Манбага кўра, инглиз клублари уругвайликка даромадли шартномалар таклиф қилмоқда: "Юнайтед" йилига 8 миллион евро, "Арсенал" эса 6 миллион.
"Барселона" эса Араухо билан янги шартнома имзолашни истамоқда, лекин клуб Роналднинг молиявий талабларини қондира олмайди.
