"Ливерпуль" "Реал Сосьедад" ҳужумчиси Александр Исакни 70 миллион евро эвазига сотиб олмоқчи. Mundo Deportivo хабарига кўра, швециялик форварднинг шартномасида 90 миллион евролик шартномани бекор қилиш банди бор.
Манбанинг маълум қилишича, испан клуби раҳбарияти футболчини қўйиб юбориш учун шартномада кўрсатилган миқдорни талаб қилмоқда.
22 ёшли шведнинг басклар клуби билан шартномаси 2026 йилнинг июнига қадар тузилган. Transfermarkt Исакни 40 миллион еврога баҳолаган.
2021/22 йилги мавсумда Исак "Реал Сосьедад" сафида барча турнирларда 32 та ўйин ўтказиб, 8 та гол ва 3 та голли узатмани амалга оширди.
