"Челси" футболчиси Жоржиньо «Мидлсбро»га қарши ўйинга автобусда бориш имкониятини баҳолади.
Буюк Британия ҳукуматининг санкциялари туфайли Лондон клуби самолётда учиш имкониятига эга бўлмаслиги эҳтимоли бор. Бу ҳолатда жамоа Лондондан 470 километр узоқликда бўлиб ўтадиган Англия кубоги ўйинига автобусда боришга мажбур бўлади.
«Биз нимадир қиламиз. Тўғрисини айтсам, ўйинга автобусда борамиз деб ўйламайман.
Биз бирор нарсани ташкил қиламиз. Агар умумий манфаат учун ҳаракат қилишимиз керак бўлса, биз буни қиламиз. Ўйин олдидан олти соат автобусда юриш осон эмас. Бизда шундай имконият борлигини ҳисобга олсак, бошқа ечим топишимиз мумкин. Бунинг бирор йўлини топамиз» - деди «Челси» ярим ҳимоячиси.
