Леверкузеннинг "Байер" клуби чап қанот вингери Мусса Диабига Англиянинг учта клуби қизиқиш билдирмоқда.
Sport1.de журналисти Патрик Бергер хабарига кўра, 22 ёшли футболчига "Манчестер Юнайтед", "Арсенал" ва "Ньюкасл" клублари қизиқиш билдирмоқда. Ярим ҳимоячининг "Байер" билан шартномасида товон пули белгиланмаган. Немис клуби Диаби учун 60 миллион евро олмоқчи.
Франциялик футболчининг ўрнига “Байер” “Рома”дан Карлес Пересни сотиб олиш вариантини кўриб чиқмоқда.
Маълумот учун, Диаби жорий мавсумда “Байер” таркибида барча турнирлар доирасида 33 та ўйинда майдонга тушиб, 16 та гол урди ва 9 та голли узатмани амалга оширди.
