Жозе Моуриньо Конференциялар лигасининг плей-офф босқичидаги "Витесс"га қарши ўйинни сарҳисоб қилди. Мураббийнинг сўзларига кўра, саволлар футболчиларнинг техник тайёргарлиги ҳақида бўлган. Тактик нуқтаи назардан, мутахассис ҳеч қандай хатоликни сезмади.
“Муаммо шундаки, биз тўпни жуда осон йўқотмоқдамиз. Ҳужумчиларимиз тўпни ушлаб тура олишмаяпти.
Бу техник нуқтаи назардан ёмон ўйнаш ҳисобланади. Тактика бўйича хато кўзга кўринмади. Яхши ҳимояландик ва ўзимизга керакли натижани ушлаб қолдик. Бугун биз натижага лойиқ эдик, деб юз фоиз айтмайман, лекин иккита ўйин натижасига кўра, жамоа бироз қийналди”, дейди португалиялик мураббий.
