5-турдан ўрин олган “Насаф” – “Андижон” беллашуви олдидан “Насаф” клуби матбуот хизмати ходимларига берган интервьюсида ўз фикларини билдириб ўтишди.

Рўзиқул Бердиев, “Насаф” бош мураббийи:
— Ўйинга йигитларимиз тайёр. Гарчи бундан бир неча кун илгари ОЧЛ мусобақасида рақибга имкониятни бой берган бўлсак-да, йигитлар кейинги ўйинга муносиб ҳозирлик кўришди. Энди асосий эътиборни ички мусобақаларга қаратамиз. Чемпионатда дастлабки учта учрашувни сафарда ўтказишга мажбур бўлдик. Шунга қарамай керакли натижаларга эришдик, деб ўйлайман. Албатта эртанги ўйинда рақиб ҳам бор кучи билан ҳаракат қилиши аниқ. Чунки улар биздан фарқли равишда бир очко билан сўнгги поғоналарда боришмоқда. Ўйлайманки, эртага бизни қизиқарли ўйин кутиб турибди. Мақсадимиз эса ғалабага эришиб, мухлисларимизни хурсанд этиш.