Италиянинг "Сассуоло" клуби футболчиси Доменико Берарди "Специа" билан ўйин давомида бир вақтнинг ўзида иккита юбилейни нишонлади.

Бу беллашув Берарди учун 300-ўйин бўлди. Доменико "Сассуоло" таркибида 2012 йилдан бери ўйнаб келмоқда. Яна бир юбилейи эса - Берарди А Сериядаги 100-голини киритди.

Қизиғи шундаки, у А Серияда «Милан», «Интер» ва «Ювентус» жамоалари дарвозасини ишғол этмасдан 100 та гол уришга эришган учинчи ёш футболчига айланди. Эдинсон Кавани 25 ёш 341 кунлигида ўзининг 100-голини урган бўлса, иккинчи ўринда Луиджи Рива – 26 ёш 197 кунлигида А Серияда 100 та гол урган. Берарди эса бу натижани 27 ёш 229 кунлигида қайд этди.